Kann Henry ekki íslensku??

... eða eru það blaðamenn mbl.is sem eru sekir??

,,Mig hlakkar mikið til að spila með Barcelona ....."

Á ekki að segja "ég hlakka til" ?? 

Þannig lærði ég það og býð mig fram til að hitta Henry og kenna honum rétt málfar!! ;-)

 

ps.. þeir voru líka fljótir að breyta fréttinni eftir að ég bloggaði ;-)

Henry stóðst læknisskoðun hjá Barcelona

Athugasemdir

[Kristín M. Jóhannsdóttir, 25.6.2007 kl. 15:16]

Og dugði þó ekki til. Í fréttinni er enn þessi setning:

Ég lít á það sem mikinn heiður að spila fyrir Barcelona og öllum þeim frábæru fótboltamönnum sem hér eru," sagði Henry við vef Barcelona.

Veit ekki hvaðan þágufallið í 'öllum' kemur. 'Fyrir' tekur þolfall. Kannski átti forsetningin 'með' að koma þarna, þar sem hann væntanlega hlakkar til að spila með fótboltamönnum en ekki fyrir þá.

Mogginn virðist hafa ráðið einhvern í sumarafleysningar sem er óvenjuslæmur í málinu. 

[Linda Pé, 26.6.2007 kl. 11:13]

Já, ég tók nú ekki eftir þessu :-)

Mér lá svo mikið á að koma þessu að.

[Mummi Guð, 28.6.2007 kl. 23:46]

Ég er með þágufallssýki á háu stigi og reyndi mikið að læknast af henni fyrir nokkrum árum síðan, en það gekk ekki upp. Þá ákvað ég berjast fyrir því að gera þágufallssýki að löglegri íslensku, eiginlega þróun á íslensku máli. Ef tungan hefði ekki þróast þá værum við enn að segja "ek" í stað "ég" til dæmis.

Ég legg til að þágufallsnotkun verði leyfð. Mér hlakkar nefnilega til þess dags að geta talað rétt mál.